Si Jay Manalo na sad kono

Si Ricky Davao ang gibasol ni Maricel Soriano sa pagkamatay sa iyang amahan nga Vietcong (dili si Jay Manalo), sa bag-ong telenovela nga "Vietnam Rose" pero bisa'g kanunay silang nagkatagbo sa pipila ka mga esena wa pa masayod si Maricel nga siya diay si Ricky.

Miingon si Ricky Davao nga tungod sa "Vietnam Rose" nakahunahuna na sad kono og laing pelikula ang director nga si Joel Lamangan diin, si Jay Manalo na sad maoy "lover" ni Ricky Davao og natural, gay role na pod ang dad-on ni Ricky.

Sa "Vietnam Rose" may pagka salbahis si Ricky, sama sa iyang papel sa "Crying Ladies." Kombinsido si direk Joel nga usa ka laing award winning movie ang himoon niya alang kang Jay ug Ricky, kay nasayod siya sa duha nga maayo kaayong mga artista. Si Ricky wa maglisod pagsulod sa showbiz kay artista man ang amahan nga si Charlie samtang si Jay, daghan unang giapilang mga bangga una makaplagi isip artista, pero ang nakaplag kaniya, wa masayod kanhi nga tinuod siyang usa ka Vietcong ug gitawag gyod siya'g Vietcong sa mga barkada niya sa wa pa mag-artista.