Maja ug Jon

Kaliwat gayod og artista si Maja Salvador. Alang sa kasayoran sa tanan, managsuon sa amahan sila si Maja ug ang mitaliwan nang aktor nga si Jon Hernandez. Ang ilang amahan mao si Ross Rival. Nag-ilhanay gayod kuno isip managsuon sila si Jon ug Maja kaniadto sa buhi pa ang nahisgotang aktor.

Sukad sa bata pa si Maja mao na gayoy iyang hilig ang pag-artista. Gipasigarbo usab ni Ross ang iyang anak nga si Maja. Malipayon kuno siya kaayo sa kalamposan nga naangkon ni Maja sa kalibotan sa showbiz.

Matud pa ni Maja suportado gayod siya sa iyang daddy sa iyang pag-artista. Gusto kuno siyang makahimo og mga dramatic movies sa umaabot nga mga adlaw. Apan sa pagkakaron, kontento siya sa dagan sa iyang career tungod kay nisikat na man usab siyag maayo.