Onse anyos na ta karon!

Ang Banat News mo-turn 11 years old karon adlawa. Dunay gamayng celebration. Suma pang JVJ. Ambot unsa ka gamay. Pero bisan gamay kaayo, may nalang. Kay sa miaging napu ka tuig wa gyuy celebration.

* * *

Dinhi nako ining pahinaa sukad pa sa pagkatawo ning newspapera adtong Agosto 23, 1994. Kuyog si Manang Kriss Relatado kinsa nailhan kaniadto nga Krisalis de Cebu. Sa sinugdanan way ganahan mosuwat og kolum sa Banat kay suma pa nila bakya ra ang dating. So gisustenian ra namo ni Manang Kriss hangtod karon nga di na bakya ang dating. De sapatos na. Kay sakop naman ta sa The Star Group of Publication.

* * *

Sud sa onse ka tuig sa Banat News daghan nang mga inilang artista ang nakabisita sa atong mantalaan. Si Melanie Marquez nakaanhi na. Kuyog sila si Nora Aunor. Si Lito Lapid sa wa pa magpolitiko nakabisita sab dinhi sa ato. Mao sab si Vic Sotto ug Halina Perez sa nagkalahing okasyon. Nakabisita sab si actor-boxer Manny Pacquiao.

* * *

Ako personally manghinaut nga magpadayon ang inyong pag-patronize sa Banat News, ilabi na sa Banat Showbiz diin naa nay mga bag-o apan maayong showbiz writers sama nila ni Ryan Mark, Brenda Batuto ug Uriel Cruz Vallecera.