FPJ thumbs up ni Jericho

"Nung banggitin ko ang pangalan ni Jericho kay FPJ, thumbs up siya kaagad. Aprobado niya si Echo". Kini maoy giingon sa creator sa "Panday" nga si Carlo Caparas, hinungdan nga sa dihang nagpakita'g interes si Jericho Rosales nga gusto siyang mohimo og teleseries sama sa "Panday," human niya makita ang pelikulang "Troy" nakigsulti dayon si Carlo Caparas sa kadagkoan sa ABS-CBN nga niadtong higayona usab nagpangita og material alang sa usa ka maayong follow-up sa bag-o lang nahuman nga teleserye ni Jericho.

Matud pa ni Carlo Caparas, si anhing FPJ uyon kaayo kang Jericho tungod kay nakita niya ang pagka industrious ni Jericho human kini modaog sa usa ka talent search sa "Eat Bulaga" sa GMA-7.

Wa pa gani masugdi sa pagsalida niini sa telebisyon, nahisgotan na nga buhatan ni Carlo og movie version ang bag-o niyang gitawag og "revised" nga "Panday." Si Echo ang magdala sa papel ni Tristan, dili ang orihinal nga Panday nga si Flavio. Si Philip Salvador ang modala sa papel ni "Flavio."