Hoping nga kaslon si Heart

Bisa'g kinsa kono nga babaye nangandoy gyod nga kaslon sa simbahan og kana konong babaye nga moingon nga dili importante ang kasal pagpaka aron ingnon lang kana, matud pa sa leading lady ni Jericho sa "Panday."

Asawa siya ni Jericho sa maong action drama nga hapit na gyod ipadagan sa ABS-CBN. Gani, gipahibawo na ni Heart ang matang kono sa kasal niya, og sa matang sa tabas sa gown nga iyang isul-ob.

Ang gown nga gisul-ob niya nga makita sa hulagway maoy nagustohan niya alang sa usa ka pictorial ug sa kadaghan sa gipakita ngadto niya, ang hinimo sa Sugboanong designer nga si Jun Escario mao gyod kono ang "perfect" gown alang sa iyang kasal. Ugaling lang matud niya, kay wa pa gyod kono siya'y lalaking napilian nga iyang pakaslan.