Luis Manzano, metrosexual

Giangkon sa guwapo nga anak ni Ate Vi ug Edu Manzano nga usa siya ka metrosexual o ang matang sa lalaki nga siyudadnon og kinaiya kinsa naghatag og dakong gibug-aton sa ilang kaugalingon pinaagi sa pagpangarte o pagsige og bisita sa salon.

Apan giklaro ni Luis Manzano nga dili siya mahilig sa moisturizer ug kutob lang siya sa pagpamasahe aron ma-relax ang lapoy niyang lawas ilabi kon busy ang molabay nga adlaw.

Gani matud pa niya dili usab siya mogamit og facial wash ug igo lang kini niyang hilam-osan ang iyang nawong og ordinaryo nga sabon busa iyang gitataw nga kutob ra siya sa personal hygiene, kaarte nga normal lang ni bisan kinsa.

Si Luis dinhi sa Sugbo ning bag-o lang kauban ang maanyag nga aktres nga si Anne Curtis aron pagpromote sa theme song sa ilang pantaserye nga giulohan og "Sabihin mo sa Akin" nga gikanta sa Sugbuanong si Sheryn Regis.