May crush ni Heart Evangelista

Giangkon ni Jeremy Marquez nga may pagka chick-boy sad siya, pero dili gyod kono sama sa iyang amahan nga si Joey nga daghan og anak.

Pero matud pa niya, ang grabe gyod kono ka chickboy mao ang iyang lolo nga si anhing derik Artemio Marquez.

Midugang si Jeremy nga may crush siya kang Heart Evangelista pero dili siya gustong magkasuod sila aron kono dili mawagtang ang gitawag niya og "thrill." Miingon pod hinoon siya nga sexy usab sila si Cindy Kurleto ug Rufa Mae Quinto.

Gipaninguha pa karon ni Jeremy nga makahimo gyod sa iyang thesis aron mahingpit ang iyang kursong gikuha nga Political Science.

Miingon siya nga ang iyang inahan (si Francesca) ang nagtambag kaniya nga Political Science ang kuhaon inay Math nga maoy tambag sa iyang dad.

Seryoso na sad kono ron siya sa iyang showbiz career, ug idol niya si Christopher de Leon ug hinaot kono nga magka kauban sila sa pelikula dili kay sa "Darna" lang.