Boobs ni Alma Moreno pagamyan

Nabug-atan na sa iyang dagko nga boobs ang Cebuanang aktres nga si Alma Moreno busa sa gawas niining balitaa posibli nga napailalum na siya sa usaka operasyon.

Atol sa programang the Buzz sa ABS-CBN niadtong Domingo giangkon ni Alma nga bug-at na ang iyang pamati sa duha niya ka boobs og gani maglapoy man ang iyang likod tungod niini.

Busa nihukom siya nga paibanan ang maong mga boobs ubos sa tabang sa sikat nga surgeon nga si Dr. Manny Calayan kinsa mao karoy higpit nga karibal ni Dr. Viki Belo.

Si Alma visible karon sa telebisyon pinaagi sa programang Mga Anghel na Walang Langit sa ABS-CBN diin gikatakda usab siya nga malakip sa usa ka gag show nga maoy iatbang sa Bahay Mo ba To nga show sa Kapuso network nga gikataho nga mihataw karon sa rating.

Ang mao unyang show pagaulohan og "Ex ko to" diin iyang makauban ang kanhi niya hinigugma nga si Rudy Fernandez uban usab nila ni Jomari Yllana og Aiko Melendez.

Kahinumduman nga si Alma nakigbuwag kang Joey Marquez mga duha na katuig ang nilabay gumikan sa giingong "third party." Gikataho nga si Alma malipayon na karon sa iyang relasyon sa kanhi sexy actor nga si Gerard Madrid.