Giyam-iran ang ilang pelikula

May gihimo karong pelikula si Angel Aquino kauban nila ni Juliana Palermo ug Cherrie Pie Picache og kay kini ra mang duha ang iyang mga kauban sa maong pelikula nga matud pa, mas ilado kay sa uban unyang niyang mga kaubang artista, may pipila ka tawo nga miyam-id na usab niini tungod kay, kini kono sila, dili mga box office stars.

Wa malilong nila ni Angel, Juliana ug Cherrie Pie ang maong intriga nga giyam-iran ang ilang pelikula ug igo lang silang mipahiyom.

Matud pa ni Angel Aquino, sa pagka karon dili pa angayang husgahan ang ilang pelikula kay wa pa man kini mahuman ug dili pa ikapasundayag, pero ikapasundayag na gani kini, matud pa ni Angel, daghan nang motan-aw niini, kay ang makakita, manulti man sa ilang mga higala nga nindot ang ilang gihimo.