Yul: Gi-underestimate sa movie reporters niadto

Sa pagsugod ni Yul Servo sa natad sa showbiz, tungod lang kay ang iyang mga pictorials nagpakita man siya sa iyang lawas ug miingon man siya nga andam siyang mag-bold sa pelikula kon gikinahanglan, pipila ka mga tawo, lakip na ang pipila ka mga reporters nga wa makaila sa iyang pamilya, mi-underestimate kaniya, kay wa masayod sa maong pamilya.

Wa sila masayod nga architect ang iyang amahan busa, nindot og balay labi na kay ang iyang inahan nga si Zenaida usa usab ka interior decorator.

Nindot ug hapsay ang interiors sa ilang balay, nga halos tanang kasangkapan adunay bulok sa bulawan. Ang amahan ni Yul dunay koleksyon sa mga images sa mga kabayo, wa pay labot sa ilang ubang mga antique collections.

Wa pa kini labot sa mga koleksyon na karon ni Yul sa iyang mga awards isip best actor, sama sa Star Awards, Cinema International Film Festival ug Brussels International Film Festival. Gihimo niya karon ang "Sa Ilalim Ng Kugon," kauban si Julia Clarete.