Teri Onor na-alkanse

Ang komediyanteng si Teri Onor naalkanse sa iyang gi-invest nga salapi ngadto sa Yamato Tradeline Network distributor ug mga vitamins ug mga health products.

Dili sayon ang pagpangita og kwarta matud pa sa "Eat Bulaga" ug "Lagot Ka, Isusumbong Kita" funny co-star.

Miduso kini og reklamo batok sa nahisgutang establisamento ngadto sa korte.

Matud pa ni Onor wala motuman ang maong kompaniya sa gisaad niini nga produkto ug interest ngadto kaniya base sa P 500,000 nga iyang gi-invest.

Ang tigdumala sa maong kompaniya nagkanayon nga gi blackmail sila ni Onor tungod sa pag-expose niini sa media sa maong insidente diin gipangangayoan sila og P1.2 milyones sa komediyante.

Apan ang komediyante padayon sa iyang reklamo batok sa Yamato diin gusto niini nga ihatag sa maong kompaniya ang gisaad niini ngadto kaniya.