Na-ospital nasad si Angel

Sa pag-adto ni Angel Locsin sa Amerika atol sa GMA Pinoy TV SOP launch, nakuyapan siya ug gi-rush sa hospital sa iyang mga kauban sa Kapuso party.

Sa iyang pagpauli na dinhi sa Pilipinas, si Angel ni-collapse nasad niadtong miaging Lunes ug daling gidala sa St. Luke's Medical Center diin gidekstrosan dayon siya.

Ang hinungdan sa iyang pag-collapse mao say hinungdan sa iyang pag-collapse didto sa Amerika diin gi-diagnose ang iyang sakit nga bronchitis.

Matud sa mga tigpaniid, morag overworked ra si Angel ug nagkinahanglan og pahuway. Gawas sa hapit kada adlaw nga taping alang sa "Darna" ga-shooting pa gyud siya sa pelikulang "I Will Always Love You" diin ang leading man niya mao si Richard Gutierrez ang iya sang kauban sa fantaseries nga "Mulawin."