Ilado na ang 'Barako Boys' ni Jay Manalo

Malipayon kaayo si Jay Manalo tungod kay hinayhinay na nga nailhan ang grupo niining "Barako Boys" usa ka sexy male group.

Ang maong grupo kaatbang sa sexy male group nga "Maskulados" ug "Viva Hot Men".

Apan mawagtangan kini sa iyang gana kung hisgotan ang isyu kabahin nila ni Keana Reeves.

Medyo nasuko si Jay dihang adunay nangutana kaniya kabahin sa iyang pagbisita ni Keana. Diin wala tubaga ni Jay ang nahisgotang pangutana.

Bisan pa sa pagkasagmuyo sa aktor gibutyag gihapon niini ang gibating kalipay sa pagkaila sa iyang grupo.

Matud pa ni Jay nga natuman ang iyang ambisyon nga mapakita ang iyang talento sa pagkanta dili lang sulod sa banyo.

Ang Barako Boys adunay kanta nga nag-ulohan og "Hot na Hot" ug duna usab silay music video sa maong kanta.