'Freshest Boiz': Dance group sa Talisay

"Freshest Boiz" grupo sa mga teenager nga Talisaynon kinsa mahiligon sa sayaw.

Ang mga miyembro sa maong grupo nagkanayon nga para ma-develop ang ilang talento sa pagsayaw, malikay sila sa ginadiling drugas ug para usab nga ma "encourage" nila ang ubang mga batan-on nga Talisaynon hinungdan nga mibarog ang ilang grupo karon.

Gitawag nga "Freshest Boiz" ang maong grupo tungod kay pulos sila mga batan-on og presko ang ilang "dating" inig mo - perform sila og sayaw.

Ug mga moderno nga sayaw ang kasagaran gyud nila nga ipasundayag.

Ang maong grupo natukod niadtong Disyembre 22 sa milabay'ng tuig.

Daghan na usab silang naapilan nga mga dagkong bangga sa sayaw usa na niini ang "Hip Hop" dance contest nga gipahigayon diha sa Elizabeth mall niining siyudad diin nasulod sila sa ten finalists ug monthly finalist usab sila sa Talisay city search for star sa buwan sa Mayo niining tuiga.

Ug gikuha usab sila nga back-up-dancers sa ipahigayon nga Miss Sibonga karong buwan sa Agosto.

"It's a matter of time management" para dili maapektohan ang ilang pagtuon labi na karon nga daghan kaayo silang mga imbitasyon, matud pa sa "Freshest Boiz."

Ang maong grupo maoy mo-host sa "Mayor Soc Dance Explosion" karong Agosto 20 niining tuiga diin dunay coordination kini sa VLM production.