Chika minute with Chad

Sa miaging Biyernes, Hulyo 15, alas 2:00 sa hapon, didto sa Table 7 (kilid sa Laguna Garden Cafe), pag-adto nako, aron motambong sa presscon alang sa mga players sa Purefoods, ang misugat dayon nako way lain kon dili ang ilado na kaayong Sugboanong actor-singer nga tag-iya sa Table 7, si Chad Borja, ug kay may miting man pod siya, gipaatiman ko niyag gwapo og mga gwapang mga waiters og waitresses og receptionist, og pag-abot nilang Iste Sesante ug Caecent Noot, sa wa pa sila si Nathalie Tomada, matag karon ug unya, mobarog siya, mobiya sa kauban niya sa meeting ug makig-chika namo og makapahimuot ang iyang mga chika.

Mitug-an siya nako nga may nagplano na pod og laing concert nga paluyohan pod sa grupo ni Atty. Danny Diluvio sa Knights of Columbus, apan dili pa siya manumpa nga mahinayon, kay wa pa magpirmahay og kontrata.

Nag-andam na pod sila sa anniversary sa Table 7. Laing negosyo ni Chad mao ang mga kahimanan sa sound system busa, kon dili siya mag-concert, kabahin gihapon sa concert, isip tag-iya sa sound system.