Totsie G. kaslonon na

Si Totsie Guevarra kanhi teen star singer nga mipasikat sa kantang "Kaba" kaslonon na.

Karong Agosto 8 niining tuiga gikatakda ang kasal ni Totsie tali sa iyang Californian non-showbiz boyfriend nga si Justine Conanan.

Ang duha nagkaila niadtong 2001 dihang miadto sa Manila si Justine para mo iskwela og Physical Therapy (PT).

Matud pa ni Totsie nga sweet ug "matiyaga" si Justine sa dihang nanguyab pa kini kaniya.

Ug usa ka masigarbohon nga marriage proposal ang gipadangat ni Justine ngadto ni Totsie diin nagtuo si Totsie nga sa pelikula lang niya kini makita.