Feeling tall ug guwapo kuno si Danilo

Nasayod na ang tanan nga kauban sa grupo nga Streetboys sila si Vhong Navarro, Jhong Hilario, Spencer Reyes ug Danilo Barrios. Wa pa mabuwag ang ilang grupo, matud nila, apan may lain lain sila'g mga projects.

Sa pagka karon, hapit na ipasundayag ang "D' Anoders" nga si Vhong Navarro maoy bida, busa, gipangutana siya kon unsay iyang ikasulti kang Danilo nga nakapabuntis na sad (Jaycee Parker) ug hangtod kono karon, bisa'g may hinigugma na si Aiza Marquez, tataw pa man kono gyod nga nahigugma pa kang Danilo.

Mipahiyom lang si Vhong ug miingon kono, "Eh ... feeling tall at gwapo ngayon si Danilo." Mikatawa ang nangutana, kay nasayod siyang dili taas si Danilo, apan daghang nakagusto. Si Vhong mismo karon, may gamay pang suliran sa kanhi hinigugma nga si Bianca Lapus.