Anak ni Joey Marquez may dugong Cebuana

Mga beteranong artista sa mga pelikulang binisaya sama kanila ni Noy Romy Ylaya, Yoyo Mirafuentes, Manang Kriss o kaha sila si Tessie Diez ug sila si Chanda Romero, Pepe Gabiana (karon barangay councilor sa Bulacao, dakbayan sa Sugbo) ug uban pa, labing seguro nahinumdum pa sa nakauban nilang artista labi na sa pelikulang "Anino sa Villa Lagrimas," "Alma Bonita," ug ang "Diary Ni Mercedes" nga si Brenda del Rio maoy leading lady.

Una siyang miadto sa Manila kay kang Alma Moreno ug naartista kadiyot, apan nahimong negosyante (may recruitment agency para sa mga talent nga gustong moadto sa gawas sa nasud), gikarelasyon ni Joey Marquez ug nagbunga ang ilang relasyon ug karon, si Zia Marquez, 13 anyos na ug nakaapil sa ANG TV-2 busa, gusto na gyod siyang mag-artista, ug kay may gitas-on, gusto sad nga mag-beauty queen sama kono sa iyang auntie nga si Melanie.