Ogie, Regine concert sa Sugbo

Ang M.Lhuillier, ang numero uno nga pawnshop sa nasud, adunay ipahigayong concert nga nag-ulohan og "Best By Request" diha sa Cebu Coliseum unya sa Hulyo 30. Ug ang main concert artist way lain kon dili, ang ila usab nga endorser nga si Ogie Alcasid apan ilado usab kaayo ang usa sa iyang guest performer nga way lain kon dili si Regine Velasquez.

Ang ubang mga guests mao ang Machisimo, Janna Victoria ug ang iladong versatile actor nga si Raymond Bagatsing.

"Pila man kahay bayad ninyo ni Regine?" nangutana ang usa sa mga reporters nga mitambong niadtong presscon nga didto ipahigayon sa Laguna Garden Cafe sa Biyernes sa udto, Hunyo 23.

"Gamay ra uy..." matud pa sa marketing manager sa M. Lhuillier nga si Ms. Marlou Rocha. Guest performer lang kono si Regine.