Wa diay motagam

Bisan diay sa nasinati sa mga artista sa pipila ka mga flights sa mga ayroplanong ilang sakyan gikan sa Manila paingon dinhi nga usahay, ma-delayed sa pag-abot ug dili na hinuon matuman ang ilang mga schedules ug itinerary, wa diay sila motagam busa, karong Hunyo 29, moanhi na sad sila si John Prats, Vhong Navarro ug uban pa, alang sa lain na usab nga show diha sa SM City Entertainment Center, ug kon walay mga kakulian, kon way mga kausaban ang ilang mga schedules, kon dili ma-delayed ang ilang flight, mosuroy pa sila sa pipila ka mga radio station, labi na sa DyAB diha sa Jagobiao, Mandaue City, aron ika promote ang ilang pelikulang "The Anoders." Madungan usab sa pag-anhi ang usa ka delegado sa outfit nga naghimo sa "War of The Worlds," usa ka iningles nga pelikulang gibitoonan ni Tom Cruise.

Si Tom Cruise may gigaling na usab nga laing apas-sumpay sa "Impossible Mission" nabalita nga nahigugma na usab kang Katie Holms. Gawas usab sa "The Anoders" si John Prats anaa sa "Happily Ever After" nilang Rainier ug sa ikaduhang semana sa sunod buwan, Hulyo, moanhi sad sila si Aga Muhlach og mga kauban alang sa ilang pelikulang "Dubai" nga gawas kang Aga, gibitoonan usab ni Claudine Barretto, apan dili na makauban si Claudine kay mihangyong dili na mokuyog aron kuno makapangandam og maayo sa kasal nila ni Raymart Santiago.