Echo, Dennis giintriga sad

Dili pa dugay, napili na kono ang leading lady ni Jericho kon "Echo" Rosales alang sa fantaserye nga "Panday" sa ato pa, mahinayon gyod ang "Panday," ug buhion gyod diay ni Echo, bisa'g miingon na si Susan Roces nga "patay na ang Panday."

Apan matud pa, si Heart Evangelista na gyod ang leading lady ni Echo, apan may migawas usab nga laing balita nga si Ashley Silvero, usa ka bold star ug may gamayng role sa "Bikini Open," mao gyo'y napili.

Kon mao kini, atangan na lang nato kon unsa gyo'y tinuod, kay bisan si Jericho mismo, dili pa gyod makahatag sa tinuod nga ngalan sa iyang leading lady, bisan giangkon niyang nakadayeg siya sa acting ni Heart sa "Hiram."

Sa laing bahin, giintriga karon sila si Jericho ug Dennis Trillo. Si Echo, gikan sa GMA-7 ug produkto sa "Eat Bulaga" ug si Dennis, gikan sa ABS-CBN, ug kauban sa Star Circle ug karon, pulos sila dinayeg nga mga artista, kinsa kanila ang mas maayo ... ug kinsay mas bug-at nga "gain or loss" sa duha ka network.

Matud ni Jericho nalipay siya alang kang Dennis sa mga kalampusan niini labi na sa mga awards nga iyang nadawat, ug miingon usab si Dennis, garbo si Echo sa industriya.