P7 milyong shabu nasakmit sa kapolisan sa Mandaue
CEBU, Philippines — Mokabat sa P7-milyones nga kantidad sa usa ka kilong shabu ang nasakmit sa kapolisan sa Mandaue City Police Office (MCPO) gikan sa High Value Individual (HVI) nga ilang nadakpan sa buy bust operation mnga ilang gipahigayon sa Barangay Subangdako alas-11 pasado ang takna sa miaging gabii.
Ang operasyon gilusad sa Drug Enforcement Group, Regional Drug Enforcement Unit ug Regional Intelligence Unit ug PDEA nga miresulta sa pagkasikop sa 35 anyos nga pusher taga Lungsod sa San Fernando.
Ang suspektsado nga adunay kapuyo nga babaye ang giisip nga High Value Individual.
Si Police Lieutenant Colonel Wilfredo Alarcon pangulo sa CIU sa MCPO miingon ng ilang gipanid-an ang mga ilegal nga kalihokan sa maong lugar hangtod nga natigaayon ang buy bust operation nga miresulta sa paagkasikop niini
Nakuha gikan sa dinakpan ang 14 ka dagkong bulto apil na ang napalit sa mga polis atol sa operasyon, buybust money ug usa ka cellphone niini.
Samtang tulo ka indibidwal nga nadakpan sa buy-bust operation sa Philippine Drug Enforcement Agency(PDEA)-7 Regional Special Enforcement Team uban ang Cebu City Police Office 11 sa Barangay Basak San Nicolas, siyudad sa Sugbo pasado alas 10 sa gabii adlaw'ng Biyernes, Abril 26.
Nadakpan sa mga tinugyanan sa balaod ang subject sa operasyon ug ang tigmentinar sa drug den nga giguba nga si Alvin Flores, 40.
Apil sa gidakop ang tigbisitahan sa drug den nga si Angelo Bulao, 21, ug Permolio Haincadto, 39, parehong mga estambay.
Nakompiskar atol sa operasyon ang upat ka putos sa gituohang shabu nga natimbang og 12 gramos ug nagkantidad og P81, 600, buy-bust money ug nagkalain-laing drug paraphernalia ug armas nga .38 rebolber nga dunay mga bala.
Ang subject sa operasyon napriso sa miaging tuig kay gidapatan niini ang inahan.
Kasong kalapasan sa Sections 5, 6, 7, 11, ug 12, Article II sa Republic Act 9165 ang ipasaka batok sa mga suspetsado.— Decemay P. Padilla, IBM BANAT NEWS
- Latest
