Paglig-on lang besh!

Tulo ka tuig  nami sa akong uyab, and nahadlok ko kay next month, mo larga na siya. First time namo malayo sa usa’g usa.

Bisan pa’g 3 years na mi, mahadlok ko , dili  baya na assurance nga dili  na mo mag-break. What if naa’y problems, muabot. Di namo ma- fix dayon kay layo kaayo mi.

Mahadlok ko. Naa ka’y ma -advice nako, Medyo Maldito, para sa sitwasyon  nga long distance relationship? Thanks. Addi.

* * *

Dili  tungod dugay namo, dili  na mo magbuwag. Tinuod na.

Naay uban nga kadiyot ra nagkaila pero sila gihapon nagdayon in the end ug naa sa’y dugay na kaayo pero kalit lang na fall out of love maong nagbuwag sila.

Naa’y uban, moingon nga na fall out of love sila kay natuok na, bored na, kinahanglan na nila’g space, or kinahanglan nila pangitaon ilang kaugalingon.

Pero kahibaw ka, kung pilion gyud ka sa usa ka tawo, when someone makes a choice to love you, bisan pa’g unsa ka layo, bisan pa’g pila ka oras inyong time difference, bisan pa’g usahay ramo maka -istorya, dili  na issue tanan.

Basta always lang nimo huna-hunaon nga if naa mo’y problema, it’s not YOU vs HIM. It’s YOU AND HIM vs the problem. Bisan pa’g unsa’y problema moabot, ma-overcome rana ninyo.

Deserve nimo ang tawo nga tanan problema kayanon, dili tong someone nga mo give up dayon.