Enero 19, 2015

SAGITTARIUS (Nob. 23-Dis.21) — Ipakita ang talagsaong abilidad sa tanang buhat. Hatagi og igong pag-akatar ang imong lawas. Wala kay peligrong abtonon ning adlawa. Butang Debwenas – Cellphone. Swerteng Numero – 2-1-10.

CAPRICORN (Dis. 22-Ene.19) — Pun-i ang imong kakugi sa tanang buhat aron ka moasenso.Ayaw tapol ug ulaw sa trabaho ug eskwela. Swerte ka karong adlawa. Butang Debwenas – Pasaporte.

AQUARIUS (Ene. 20-Peb.18) — Kalit bisita sa pinuy-anan ang motunga. Surprisa sa kuwarta ug gugma dawata. Debwenas ka karong adlawa.Butang Debwenas – Lana sa lubi.

PISCES (Peb. 19-Mar 20) — Bisan og lisod, ipakita ang talagsaong abilidad sa tanang buhat. Ihatag ang mahigugmaong pagtagad ngadto sa imong paryente. Aksidente sa sakyanan pag-aligmat. Butang Debwenas – Lunch box.

ARIES (Mar 21-Abr. 19) —    Hatagi’g surprisang regalo ang imong pinangga. Adto sa halayong dapit ug maglingaw-lingaw. Wala kay kuyaw abtonon ning adlawa.

TAURUS (Abr. 21-May 20) — Humana ang napasagdang buhat sa negosyo, trabaho ug pinuy-anan. Padad-i og suwat ang imong pinangga ug kaila sa halayong dapit. Sa sugal ayaw padani.

GEMINI (May 21-Hun. 21) — Pangita’g laing paagi aron imong  maangkon ang siguradong kalampusan sa negosyo ug trabaho. Tanyag sa kuwarta ug gugma susiha. Wala kay kuyaw paaboton ning adlawa. Butang Debwenas – Computer. Swerteng Numero – 5-4-1.

CANCER (Hun. 22- Hul.22) — Isulti ang gitagoang suliran ngadto sa imong pinangga. Klaroha ang imong desisyon sa trabaho ug negosyo. Sa umaaging balatian sa lawas pag-amping. Butang Debwenas – Kinhason. Swerteng Numero – 1-2-4.

LEO (Hul.23-Ago 22) — Kasamok sa trabaho ug gugma ang kalit moigo kanimo. Hapsaya ang imong huna-huna sa suliran sa pinuy-anan. Sa lalis paglikay.  Swerteng Numero – 9-7-3.

VIRGO (Ago 23-Set. 23) — Paminawa ang maayong tambag gikan sa imong pinangga. Magkanunay sa imong panglimbasog sa tanang butang. Swerteng Numero – 10-3-9.

LIBRA (Set. 24-Okt. 23) — Ayaw palayo sa imong laraw sa negosyo ug trabaho. Pun-i pa ang imong pagpaningkamot sa kuwarta ug gugma aron ka magmalipayon.

SCORPIO (Okt. 24- Nob. 22) —  Dumadaog ka sa tanang buhat. Maglipay uban sa imong pinangga ug duol higala. Tabangi ang naglisod mong silingan. Imong swerte karong adlawa. Butang Debwenas – Beer. Swerteng Numero – 2-6-9.