Panabot sa usa ka bata mahitungod sa iyang kaugalingon Pakigkukabildo alang balanse nga bata

CEBU, Philippines - 4. Pagsabot sa pagbati sa imong anak. Daghang mga ginikanan ang nagdumili nga mosabot sa pagbati sa ilang mga anak nga tungod niini, malisud alang kanila ang pagpaminaw. Kini tungod kay ang mga ginikanan mismo ang dili man pud siguro sa ilang kaugalingong emosyon. Kun ang bata mopadayag sa iyang emosyonal nga kahimtang sama pananglit sa pagbati sa “Kasuko” ang buhaton dayon sa ginikanan mao ang pagbadlong nga dili maayo ang kasuko. Atong gigamit ang lohika aron pakgangon ang pagbati sa atong mga bata. Daghan usab sa mga ginikanan ang dili maantigong mopabuhagay sa ilang pagbati ngadto sa ilang mga anak. Dili dautan nga ikaw masuko apan ang pangutana kun giunsa mo pagpadayag ang imong kasuko? Ang tinud-anay nga ginikanan, mao kadtong ginikanan nga dili dayon mohatag diha-diha og solusyon sa problema sa iyang anak kun dili mogiya aron ang iyang anak makakita sa solusyon sa problema nga iyang gisudlan. Ning paagiha, imong gitudloan ang imong anak aron iyang maatubang ang negatibong pagbati sa mas hamtong ug mas reponsableng paagi. -- Sumpayan pa