Dili na kaayo motusik si Junior

Uy, Tasyo nanampiling man ka diha sa bentana ug medyo halawom ang imong gihunahuna, unsa may problema mo?” pangutana ni Agata ngadto sa iyang bana.

“Ada, maibog lang ko kang Pareng Beto kay sunod tuig mo saysenta anyos ug moretiro na siya sa serbisyo apan ako lima pa ka tuig ang kulang. Maayo unta’g polis ko kay singkwenta e sayes anyos retiro na,” tubag ni Tasyo.

Apan ang tinuod gyud nga rason nganong nanampiling siya gumikan kay luya na kaayo ang iyang “junior” sa pagtusik o sa pagromansa kang Agata nga batan-on pa kay manghod man niya siya og mga trese ka tuig.

Dako ang gintang sa ilang edad. Mao nga abtik pa kaayo si Agata sa romansa kay sakyan gud siya niini inig “lovemaking” nila.

Mao nga ganado ug fighter pa kaayo si Agata. Dugay’ng naminyo si Tasyo ug edad-edaran na siya sa panagkita nila ni Agata.

Tuskig pa ang mga bundo sa dughan sa iyang asawa. Hamis ug dagko’g mga paa inubanan sa igwad nga sampot niini. Pution usab ang pamanit ni Agata. Bisan og anha ra siya sa ilang balay, magpakigol og binistihan para ganahan sa tanang higayon si Tasyo sa pagromansa kaniya aron sab makaanak sila ug may mahagwa-hagwa na.

“Hoy Tasyo, pakaulaw ka man lang! Unsa gud nang niromansahan nimo? Maglisod ka na man og kuha bisan og usa lang ka round,” kantalita pa ni Agata usa ka mabugnaw’ng kaadlawon niana samtang gipatongan niya si Tasyo.

“Paggamit Tasyo ug Viagra basin na lang nga abtik pang motusik nang Junior mo,” tambag nga nagdala og bagutbot ang baba ni Agata.

Mitalikod dayon sa paghigda si Agata ug dayong piyong sa mga mata niya nga naghambin og pagmahay kay wala lagi matagbaw sa kumbati sa iyang bana kaniya.

“Dili ko mogamit og Viagra basin makadaut hinuon na gumikan sa side effects,” sulti pa ni Tasyo sa hilom sa kaugalingon.

“Sulayan lang kaha nako ang mga prutas, mga preskong utanon ug lab-as nga isda lakip na ang bakasi basin na lang moabtik ug mapiskay ning akong kalawasan ug pakapinan pa nako’g inom og gatas, siyaro’g dili gihapon molagsik si Junior,” tuaw pa ni Tasyo.

Lahi na gyud ang atong gana sa “sex” sa teenager pa kita kun itandi karon nga edad-edaran na kita kay luya na man gud ang atong mga lutahan ug kabukogan.

Wala gyu’y sama sa teenager pa kita kaniadto, di ba? (Kataposan)