Curry inilusot Warriors sa OT
SAN FRANCISCO -— Kinumpleto ni Stephen Curry ang isang three-point play sa huling 1:38 minuto sa overtime kasunod ang kanyang layup para tulungan ang Golden State Warriors sa 126-119 panalo sa Orlando Magic.
Tumapos si Curry na may 41 points, anim na rebounds at anim na assists para sa pang-pitong sunod na arangkada ng Warriors (7-3) matapos ang 0-3 panimula sa season.
Naimintis ni Wendell Carter Jr. ang dalawa niyang free throws sa huling 1:15 minuto na nagtabla sana sa Orlando (2-7).
Kumonekta si rookie Yaxel Lendeborg ng krusyal na 3-pointer sa overtime at umiskor ng 23 points para sa Warriors na nasa kanilang pinakamahabang winning streak simula nang magtala ng seven-game winning run noong Marso 3-15, 2025.
Humakot si Franz Wagner ng 30 points at 11 assists sa panig ng Magic.
Sa iba pang laro, wagi ang New York Knicks sa Cleveland Cavaliers, 109-97; panalo ang Denver Nuggets sa Indiana Pacers, 114-102; dinagit ng Atlanta Hawks ang Brooklyn Nets, 124-121; tinalo ng Oklahoma City Thunder ang Washington Wizards, 114-75; sinunog ng Phoenix Suns ang Houston Rockets, 102-99.
- Latest
