^

Banat Balita

Pepito niawhag nga unahon ang kaayohan sa katawhan

Mitchelle L. Palaubsanon - Banat

CEBU, Philippines — Gidasig ni Philippine Councilors League (PCL)-Cebu Provincial Federation President ug Cebu Provincial Board Member Ricardo “Kuya Nick” Pepito ang mga konsehal nga unahon ang kaayohan sa katawhan ug tutokan ang mga programa nga adunay tinuod nga kaayohan sa mga komunidad, imbes nga mag-focus lang sa pagpasa og mga ordinansa ug resolusyon. Sa iyang mensahe atol sa PCL-Cebu Province Federation Year-End Assembly 2026, gipahinumduman ni Pepito ang mga mga miyembro sa Sangguniang Panlungsod ug Sangguniang Bayan nga ang sukdanan sa maayong serbisyo publiko mao ang positibong kausaban nga ilang madala sa kinabuhi sa katawhan. Matud ni Pepito nga nagkadako ang gipaabot sa publiko gikan sa gobiyerno diin nanginahanglan na ang mga molupyo og konkretong solusyon ug aksiyon ug dili lang mga saad.

Ug kinahanglang susihon sa mga lokal nga magbabalaod kon ang ilang mga ordinansa motubag ba sa tinuod nga panginahanglan sa katawhan ug kon ang ilang mga desisyon adunay maayong epekto sa adlaw-adlaw nga kinabuhi sa mga molupyo.

Si Pepito nagkanayon nga dili ang kadaghan sa mga ordinansa nga napasa, resolusyon nga naaprobahan o kalihokan nga nahimo ang sukdanan sa kalamposan sa usa ka magbabalaod apan ang tinuod nga epekto niini sa ilang mga gialagaran.

Gihatagan usab niya og gibug-aton ang papel sa PCL isip plataporma sa pagpaambit og mga ideya, pagpalig-on sa liderato ug pagpalambo sa mas maayong mga polisiya alang sa lokal nga mga komunidad.

Giawhag ni Pepito ang mga miyembro nga magtinabangay ug magtinudloay sa usa’g usa tungod kay ang maayong pangagamhanan usa ka hiniusang responsibilidad.

Nanawagan usab siya sa mga piniling opisyal nga mahimong responsable nga mga magbabalaod ug epektibong alagad sa publiko nga mag-una sa kaayohan sa ilang mga ginsakupan ug dili sa personal ug political nga interest. (BANAT NEWS)

NEWS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with