^

Banat Palaro

Magic mibihag sa Celtics, Sixers nag-una na sa East

Emmanuel B. Villaruel - Banat

CEBU, Philippines — Sila si Desmond Bane ug Franz Wagner nagkumbinar og 45 puntos sa dihang gipakuratan sa Orlando Magic ang Boston Celtics, 115-105, sa NBA kagahapong adlawa didto sa TD Garden sa Boston, Massachusetts.

Si Bane mnikadlit og 24 puntos, samtang si Wagner mipupo og 21 puntos ug siyam ka assists aron aswaton ang Magic ngadto sa ikaupat nilang sagunson nga daog.

Ang Boston maoy naglabaw human sa tulo ka kuwarter, apan ang Magic mipaulbo og 40 puntos sa katapusang kuwarter aron pasukarapon ang inilog nga Celtics.

Si Jayson Tatum miharos og 24 puntos, 12 ka rebounds ug upat ka assists samtang si Paul George milansang og lima ka  3-pointers sa iyang 22 puntos apan nakawang ang ilang paningkamot kay naputol ang unom ka sunod-sunod nga daog sa Celtics.

Tungod sa kapildihan sa Celtics, ang Philadelphia 76ers milayaw sa unang puwesto sa Eastern Conference uban ang 135-123 nilang pagpakaging sa Brooklyn Nets didto sa New York.

Ang big man nga si  Joel Embiid maoy bida sa Philadelphia uban ang 37 puntos.

Si Jaylen Brown midugang og 31 puntos samtang si Tyrese Maxey mitimbre og 24 puntos alang sa Sixers, nga nagkupot na karon og 12-3 rekord.

Sa laing bahin, ang Miami Heat padayong nanginit ug milansang sa ikalima nilang sagunson nga daog human giugbok ang Houston Rockets, 128-110.

Ang Heat, nga naparot sa nag-una nilang upat ka duwa ning season, nagtangag na karon og 8-6 nga baraha.

Si Giannis Antetokounmpo mi-iskor pg 20 puntos samtang si Klay Thompson mikimada og 17 puntos alang sa miratsadang Heat.

Sila si Alperen Sengun ug Kevin Durant nagkumboya'g 45 puntos alang sa Rockets, nga natagak sa 11-4 apan ikatulo gihapon sa Western Conference.

Ang Cleveland Cavaliers mitumba sa Chicago Bulls 126-115, luyo sa 39 puntos ni Donovan Mitchell, samtang ang Memphis Grizzlies mipayaka sa Washington Wizards, 136-120.

Si Cameron Boozer miposa og pito ka tres sa iyang 29 puntos alang sa Grizzlies.

NBA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with