Sandara interesadong mobalik sa pinoy movie

CEBU, Philippines — Gipabuhagay sa K-pop star nga si Sandara Park ang iyang tinguha nga mobalik sa pag-arte, ilabi na sa mga pelikulang Pilipino.
Sa interview ni Karen Davila, gibutyag ni Sandara nga interesado siya mobalik sa pag-arte .
“Actually gusto ko po, and I want to do a Pinoy movie again,” ni Sandara pa. Gusto niya masuwayan ang seryosong karakter.
“Dati when I was 20 years old, lahat ng roles ko exchange student, mga ganun. Hindi pa marunong mag-Tagalog, pero ngayon mas magaling pa ako mag-Tagalog. So, I think I can do much more mature roles and 'yung mga love story, mga ganun," saysay pa niya .
Cesca, midalit sa “if i was a worm / kung ako’y naging bato”
Gihimong inspirasyon sa Kapamilya singer-songwriter nga si Cesca ang mga makalingaw nga pangutana mahitungod sa tinuod nga gugma alang sa iyang bag-ong single nga “If I was a worm /Kung ako’y naging bato.”
Lakip niini ang pangutana kon higugmaon pa ba gihapon sa usa ka tawo ang iyang kapikas kung kini mahimong ulod o bato. Bisan og daw binuang ug kataw-anan ang maong pangutana, nagpakita kini sa lalom nga pagbati ug gugma sa duha ka tawo.
Ang maong indie-pop nga awit kay gibase sa mga “what-if questions” nga kasagarang binayloay sa mga managtrato. Gisulat ug gi-arrange kini ni Cesca kauban si Nhiko Sabiniano sa banda nga Nameless Kids.
Kini ang unang single ni Cesca nga gipagawas ubos sa Tarsier Records, human sa iyang mga awit nga “Lovesick (Mas Pinasakit)” ug “I’m Nilalamig” nga gilusad karong tuiga.
Gawas sa iyang kaugalingong mga kanta, nagsulat usab si Cesca og mga awit alang sa ubang artista, lakip na ang “Somber” ni Belle Mariano.
Ang bag-ong single nga “If I was a worm / Kung ako’y naging bato” kay madungog na sa nagkadaiyang music streaming platforms.
World tour
Plano karon sa singer nga si Angeline Quinto nga mopahigayon og world tour concert karong 2027. Gilauman nga pinaagi niini, mas mapaduol pa siya sa iyang fans sa nagkadaiyang nasud pinaagi sa iyang mga pasundayag . Si Angeline ang nagpasikat sa awit nga “Kunin Mo Na ang Lahat sa Akin” .
Peke nga show
Hugtanong gihimakak sa singer nga si Kris Lawrence ang nikatap nga promotional poster nga nagpahibalo nga matud pa duna sila’y show ni Katrina Halili sa Canada.Pinaagi sa iyang Instagram account, gipaambit ni Kris ang maong poster ug gibutangan kini og dakong marka nga “FAKE” aron klarong ipahibalo nga wala silay kalabotan sa maong poster .
Bag-ong housemates
Upat ka bag-ong housemates ang misulod sa Balay ni Kuya niadtong Domingo, usa ka adlaw human natangtang sa Pinoy Big Brother: Celebrity Collab Edition 3.0 sila Calix Esguerra ug Ethan Benares. Lakip sa bag-ong miyembro sa Kapamilya team ang aktres nga si Daniela Stranner, nga nailhan isip “Ang Sassy Cabalen ng Pampanga,” ug ang dancer nga si Lorelaine Sañosa, nga gitawag og “Ang Devoted Dancer ng Quezon City.”Samtang sa Kapuso team , misulod ang atleta nga si Ronnie Pasamba, nga nailhan isip “Ang Varsity Cutie ng Bulacan,” ug ang aktor nga si Allen Ansay, nga gitawag og “Ang Bro-Binsyanong Dreamer ng Camarines Sur.”
Andrea, nakadaog og acting award sa London
Si Andrea Brillantes maoy nakaangkon sa Best Acting Performance award alang sa iyang bag-ong pelikula nga “Laya” sa Women and the World International Film Festival (WWIFF) nga gipahigayon didto sa London.
Nahimong kabahin ang maong pelikula sa international competition ug mao usab ang bugtong pelikula gikan sa Southeast Asia nga nakasulod sa Feature Fiction Competition.
Nitambong mismo si Andrea sa maong kalihokan.
Bea ganahan mag-news anchor
Dili magduha-duha sa pagdawat ang aktres nga si Bea Binene kon adunay network nga motanyag kaniya og oportunidad nga mahimong usa ka news anchor. Gibutyaag kini bi Bea pinaagi sa iyang broadcast channel sa niaging adlaw human duna sila'y follower ang nangutana kaniya kalabot sa maong butang . Kahinumdoman nga nabatyagan sa iyang fans ang iyang kababaon sa iyang mga interview.
BINI,nakadaog sa Nickelodeon Kids’ Choice Awards
Gipasidunggan ang P-pop girl group nga BINI isip Favorite Global Music Star sa 2026 Nickelodeon Kids’ Choice Awards ug napildi nila ang dagkong pangalan sa international music scene sama nila Taylor Swift, Olivia Dean, Zara Larsson, Tyla, Tame Impala ug Karol G. Ang walo ka miyembrong grupo maoy nirepresentar sa Asya sa maong kategoriya ug nakadaog batok sa ilang mga kaatbang sa seremonyang gipahigayon didto sa Los Angeles, California dili pa lang dugay .
Matud sa maong grupo, dako kaayong dungog alang kanila nga maapil sa mga napili nga mananaog karong tuiga.
"Thank you, Nickelodeon Kids’ Choice Awards 2026, Blooms and everyone who voted for BINI as Favorite Global Music Star. It's truly an honor to be part of this year's winners!,” Facebook post sa BINI.
Dugang pa niini, gihatagan usab ang BINI og Most Influential Southeast Asian Artist - Female award sa Jupiter Awards 2026, usa ka German award nga nag-ila sa mga kalampusan sa industriya sa sine ug telebisyon.
- Latest

















