Walay masayud sa panahon ug takna
Bisan kun giunsa pa man tingali pagkwenta ginamit ang bisan unsang matanga sa mathematical formula aron matag-an ang katapusan sa kalibotan, ang tanan mopatighulog ra gyud sa kamatuoran nga walay masayud sa panahon ug takna. Bugtong ang Dios lamang ang nasayud sa tanan.
Sa akong pagtagik ning maong lindog natapos na tingali ang kalibotan kun ugaling tinuod ang maong pagkwenta nga ang Nobiyembre 13, 2026 mao na ang katapusan. Unsay angay natong buhaton?
Pray kun pag-ampo sa kanunay ug walay hunong.
Availability diha sa pagsunod sa kabubut-on sa Dios alang kanato.
Love ipakaylap ang gugma ug paglaum ug dili ang kahadlok.
Mortification. Atong pitolon ang atong lawas aron masantos ug mabalaan ang atong mga kalag.
Ning paagiha mamahimo kitang malig-on ug dili mahadlok sa atong pakig-atubang sa Dios nga taliabot aron maghukom kanato.
Ayaw kahadlok ang Dios anaa uban kanato.
- Latest
















