Mister nag-ala ‘Superman’ sa tulay, patay
MANILA, Philippines — Mistulang nag-ala “Superman” ang isang mister nang ito ay lumundag sa isang tulay na naging dahilan ng kanyang kamatayan, naganap sa Bued Bridge, Brgy. Dungon, Sison, Pangasinan, noong Biyernes ng hapon.
Inaalam pa ng Pangasinan Police ang pagkakakilanlan ng nagpakamatay na mister na nabasag ang bungo at nagkalasug-lasog ang katawan matapos bumagsak sa batuhan sa ibaba ng nasabing tulay.
Sa imbestigasyon, nangyari ang insidente sa Bued Bridge kung saan isang residente na kinilalang si Mercedes Esmeralda, residente ng Brgy.Dungon ang nakakita sa nasabing lalaki na umakyat umano sa konkretong barandilya ng nasabing tulay.
Nagpasikat pa umano na dumipa na nagbalanse pa ng kaniyang katawan sa paglalakad ng bahagya sa ibabaw ng barandilya ng tulay ang mister.
Laking gulat naman ng ginang ng biglang tuluyang lumundag sa kaniyang kamatayan ang nasabing mister sa tulay na may 100 metro ang taas.
Inilarawan ang biktima na nakausot ng kulay asul na shorst at kuya asul na t-shirt na may nakatatak na “PARIS”.
Nagresponde ang mga otoridad at naiahon ang duguang at naghihingalo ng biktima na idineklarang dead-on-arrival sa ospital.
- Latest















