^

Banat Palaro

Cunningham nagmangtas, Pistons mipiog sa Wizards sa 2OT

Emmanuel B. Villaruel - Banat

CEBU, Philippines — Si Cade Cunningham mipaulbo og 52 puntos sa dihang ang Detroit Pistons mibuntog sa Washington Wizards sud sa duha sa ka overtime, 144-140, sa NBA kagahapong adlawa didto sa Little Caesars Arena sa Detroit, Michigan.

Nadoble ang kalipay ni Cunningham kay nahimo siyang labing unang player sa kasaysayan sa NBA nga mikadlit og 50 puntos ug mipasa og 10 ka assists nga walay turnovers.

Dako sab og naambag si Ausar Thompson nga miposte og triple-double nga 17 puntos, 11 ka assists ug 11 ka rebounds alang sa Pistons.

Ang tulo ka starters sa Wizards nga sila si Trae Young, Anthony Davis ug Alex Sarr mibirada og dili mominus sa 30 puntos matag usa.

Apan wala mosaler ang impresibo nilang salida kay ang Washington nakatilaw sa ikaunom nilang sagunson nga pildi.

Sa laing bahin, si Tyrese Maxey mibandera sa Philadelphia 76ers ngadto sa 123-112 nga kadaogan batok sa Toronto Raptors.

Si Maxey miharog og 27 puntos uban ang walo ka assists samtang si Joel Embiid miamot og 20 puntos alang sa Sixers, nga nagbitbit na karon og 10-3 rekord.

Sa ubang mga resulta, ang Minnesota Timberwolves milampaso sa Dallas Mavericks, 133-94, samtang si Devin Booker mipabuto og 30 puntos sa dihang gipakaging sa Phoenix Suns ang Charlotte Hornets, 101-96.

NBA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with