VP Sara trial, itutuloy pagkatapos ng ASEAN Summit

MANILA, Philippines — Ititigil muna ang impeachment trial kay Vice President Sara Duterte habang isinasagawa ang Association of Southeast Asian Nations (ASEAN) Summit at itutuloy sa Nobyembre 19, 2026.

“Trial is adjourned until November 19, 2026, that’s a Thursday at 10 o’clock in the morning,” pahayag ni Presiding Officer Francis Escudero.

Hiniling ni Lead Defense Counsel Sheila Sison na kanselahin ang nakatakdang paglilitis sa Biyernes at ipagpatuloy na lamang ito matapos ang ASEAN Summit, na idineklara ring holiday.

Ayon kay Escudero, hindi magkakaroon ng access sa Senado sa panahon ng ASEAN Summit dahil sa mga pagsasara ng kalsada.

Bagama’t una nang nakatakdang magsagawa ng buong araw na paglilitis sa Biyernes, binawi ng depensa ang 16 na testigo, kabilang si Quezon City Prosecutor Vimar Barcellano at 15 kinatawan ng mga bangko.

Una nang nagpahayag ng pag-asa si Escudero na matatapos ang trial bago mag-Pasko o Bagong Taon.