^

Banat Palaro

Simmers, Medina mihimo'g kasaysayan isip unang Philippines Pro champions

Emmanuel B. Villaruel - Banat

CEBU, Philippines — Sila si Caitlin Simmers ug Gabriel Medina maoy nanghawod sa labing unang World Surf League (WSL) Championship Tour Philippines Pro kagahapong adlawa didto sa Cloud 9 sa isla sa Siargao.

Ang Amerikanang world No.6 nga si Simmers mipildi sa Australyanang si Isabella Nichols, 12.00-10.77, sa final aron koronahang rayna sa women's dibision.

Si Simmers miabante sa kampiyonato human gibuntog si world No. 2 Carissa Moore sa semifinals.

Samtang si Nichols nakaabot sa final human gipalagpot ang kababayan niyamg si Tyler Wright.

Sa kinauwahian, si Simmers ang mipatigbabaw.

Sa men's category, si Medina ang milangkat sa titulo sa makasaysayanong kompetisyon nga gipasiugdahan sa Philippine Sports Commission (PSC) inabagan ni Surigao del Norte Gov. Robert Lyndon Barbers, General Luna Mayor Johnson Sajulga ug Vice Mayor Romina Sajulga.

Ang Brazilian world No. 4 milupig ni Jack Robinson sa Australia sa final, 16.93-14.50.

Si Medina mitagak ni world No. 1 Yago Dora sa semis, samtang si Robinson miangkon og luna sa final human gipukan ang kababayan niyang si Ethan Ewing.

Sila si Medina ug Simmers mibulsa og US$80,000 nga premyo matag usa samtang sila si Robinson ug Nichols nakadawat og US$40,000.

SURF

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with