Alex Eala motaak sa Hong Kong Open
CEBU, Philippines — Bag-o pa gani natapos sa WTA500 Toray Pan Pacific Tokyo ug mubo kaayo ang pahulay, mosangka nasab og balik ang Pinay tennis sensation nga ai Alex Eala sa Hong Kong Open.
Ning higayona,posibleng iyang makaatbang ang kaniadto iyaha nang nakaatubang nga Amerikanang si Alycia Parks sa Round 1 sa Victoria Park Tennis Stadium sa Hong Kong.
Ikatulo na kining duwelo sa duha karong tuiga. Si Eala World No. 19. Apan dili siya ang paborito karon sa maong torneyo kondili ang No. 2 seed nga si WTA No. 16 Sorana Cirstea sa Romania sa maong 250-level tour.
Si Parks World No. 65 pero kung ang sukaranan mao ang nangagi niining mga duwa, posibleng ipaagi kini sa toss-up ug posibleng ang iyang makaatubang ang No. 405 Xinran Sun sa China o ang No. 87 Tereza Valentova sa Czechia.
Tali sa 21-anyos nga si Eala ug Parks, napildi sa una si Eala kang Parks sa Round 1 sa Australian Open, 6-0, 3-6, 2-6, pero nakabawos si Alex sa Round of 64 sa National Bank Open sa Canada, 6-1, 4-6, 6-2.
Mao to ang nakaputol sa sagunson ang early exits ni Eala kung wala pa siya masipyat makadaghang higayon sa 6-2, 6-7, 4-6 nga kapildihan niya kontra sa world No. 13 ug Tokyo No. 3 seed Diana Shnaider sa Russia.
Ikaduha na kadto nga kapildihan ni Eala sa mga kamot ni Shnaider , napukan ang Pinay sa Russian 5-7, 4-6 sa WTA500 Ningbo Open sa China usa ka semana sa wala pa siya nausban sa Tokyo. Si Shnaider ang nagkampeyon sa Tokyo.
Una pa ana, sayong nipauli si Eala sa iyang duha sa WTA500 Singapore Open ug WTA1000 Wuhan Open, ug ang iyang bronze medal finish bisan siya ang No. 1 seed sa 20th Asian Games (dili parte sa WTA Tour). — IBM
- Latest
