Visayas grid gipaubos sa gilugwayan nga red alert

CEBU, Philippines — Gipailawom sa gipalugway nga red alert ang Visayas power grid niadtong Martes, Oktubre 27, tungod sa kakulang sa suplay sa kuryente ug limitado nga importasyon gikan sa Mindanao.

Sa update sa alas-1:30 sa hapon kagahapong adlawa, giingon sa National Grid Corporation of the Philippines (NGCP) nga ipatuman ang red alert gikan alas-5 hangtud alas-7 sa gabii, samtang yellow alert gikan alas-3 hangtud alas-5 sa hapon ug alas-7 hangtud alas-9 sa gabii.

Ang magamit nga suplay mikabat lamang sa 2,283 megawatts (MW), ubos sa gitagna nga panginahanglan nga 2,435 MW, nga nagbilin og 152-MW nga kakulang.

Matud sa NGCP, naapektuhan ang suplay tungod sa wala damhang paghunong sa GNPK Unit 3 ug TM2 Unit 1, ug sa pagtaas sa panginahanglan sa kuryente sa Mindanao.

Gitaho usab nga 19 ka power plant ang nag-operate ubos sa ilang kapasidad, nga miresulta sa 811.6 MW nga dili magamit sa grid. Sa buntag, 16 ka planta ang nag-operate sa ubos nga kapasidad. MEL BANAT NEWS