Sarah, sa Pasko manganganak!

MANILA, Philippines — Sa December pa manganganak si Sarah Geronimo-Guidicelli kaya hindi totoong nasa labor room ito kahapon tulad sa post ng isang netizen na pinatulan ng maraming internet user.

Ito ang kinumpirma ng isang source nang tanungin ko kung totoo ‘yung ikinalat ng isang netizen.

Paano nga namang nasa labor room ang misis ni Matteo eh hindi pa nga sila nagsasalitang mag-asawa tungkol dito tho alam na ng mga close friends nila na buntis na si Sarah.

Kaya tiyak daw na unforgettable ang magiging Pasko nina Matteo at Sarah.

Ang hihihintay lang ng ibang nasa paligid ng mag-asawa ay kung magiging ok na si Matteo at ang mga magulang ng misis na Daddy Delfin and Mommy Divine ni Sarah na diumano’y hindi pa rin talaga ok sa kanilang son-in-law.