Hugyaw nga anibersaryo sa “It’s Showtime”
CEBU, Philippines — Gidalit sa “It’s Showtime” ang hugyaw nga mga pasundayag isip kabahin sa pagsaulog sa ika-17 nga anibersaryo sa programa .
Gibanhaw ang “Cash-Ya,” diin nag-atbang pag-usab ang Team Vice ug Team Vhong, ug ang celebrity edition sa “Ms. Q&A” nga gitawag og “Celebrity Talakera.”
Sa maong kompetisyon, lima ka artista ang nagpakita sa ilang kaugalingong personalidad isip mga kandidata sa beauty pageant. Napili si Ralph de Leon, nga nagpakita isip Masaralph de Leon, ang Reyna Talakera 2026. Nakadaog siya og P50,000 ug sash gikan sa mga huradong sila Nicole Cordoves, Robi Domingo ug Janice de Belen.
Gisugdan ang selebrasyon pinaagi sa futuristic nga opening number nga gipangulohan ni Vice Ganda uban sa mga kauban niyang host.
Gipaabot usab ang “Laro Laro Pick” nga adunay jackpot prize nga P500,000.
Makigsaulog sa ilang anibersaryo sila Apl.de.Ap, Billy Crawford, Bamboo, Skusta Clee, Flow G, Mariah Deborah, Amiel Sol, Earl Justin, Angela Ken, Carl Guevarra, Rob Deniel, Wilbert Ross, Fitterkarma, Klarisse, Fyang, Joaquin Arce, Kyle Echarri, Eliza Borromeo, Miguel Vergara, Xyriel Manabat, Zaijian Jaranilla, Alexa Ilacad, Alora Sasam, Verna Periwinkle, Poking, Candy Pangilinan, Ethel Booba, ug uban pa.
Makita ang “It’s Showtime” sa Kapamilya Channel, ALLTV2, GMA, A2Z, iWant, TFC ug sa opisyal nga YouTube ug Facebook pages sa ABS-CBN Entertainment.
- Latest
