Bag-ong episodes sa “Estudyantipid,” misikad na!

CEBU, Philippines — Gipakita na  sa Knowledge Channel Foundation Inc. (KCFI) ug BPI Foundation (BPIF) ang bag-ong episodes sa “Estudyantipid,” usa ka seryeng nagtumong sa pagtudlo sa mga estudyante sa hustong pagdumala sa kuwarta sa sayo pa nila nga pangedaron.

Kabahin kini sa padayong paningkamot sa KCFI nga mahimong mas makalingaw ug epektibo ang pagkat-on sa mga estudyante sa nagkalainlaing bahin sa nasud, pinaagi sa paghatag og mga telebisyon alang sa edukasyon ug uban pang materyales sa mga eskwelahan  sa Visayas ug Mindanao.

Gihimo kini pinaagi sa proyekto nga FinEd Unboxed, sa pakigtambayayong sa BPIF.

Dili pa lang dugay , naabot  ang caravan sa Isabela City sa Basilan ug Zamboanga City sa Mindanao, ingon man sa Guimaras ug Iloilo City sa Visayas.

Giapod-apod niini ang Knowledge Channel TV sets ug portable media library nga adunay kapin sa 1,500 ka video lessons  nga nahiuyon sa kurikulum. Tumong niini nga mapalapdan ang paggamit sa multimedia sa adlaw-adlaw nga pagtuon sa mga estudyante sa nagkalainlaing  grade levels .Gipadayag  ni KCFI Vice President Edric Calma ang iyang kinasingkasing nga pasalamat sa padayong suporta sa BPIF sa ilang mga programa alang sa edukasyon.