Ibang mga kapatid ni Kim, iwas sa gulo?!

Nagtanong lang kami kahapon kung sino sa mga kapatid ni Kim Chiu ang sumusuporta sa kanya sa kaso niya laban sa kapatid na si Lakam, heto at may lumabas na balitang suportado siya ng mga kapatid na sina Twinkle at JP.

May statement of support kay Kim na inilabas ang House of Little Bunny Philippines (HOLB), ang business ni Kim kasama ang mga kapatid. Noon pa nababanggit na katulong ni Kim sa pagpapatakbo ng negosyo nila sina JP at Twinkle.

Pero, sa inilabas na statement of support, hindi binanggit ang pangalan nina Twinkle at JP. Ang HOLB ang sumusuporta kay Kim.

Statement of Support for HOLB and Kim Chiu:

“We stand with Ms. Kim Chiu and House of Little Bunny Philippines as the company takes the necessary steps to protect its business, resources, employees, and stakeholders.

“This goes beyond any personal matter. As a company, House of Little Bunny Philippines has a res­ponsibility to safeguard its resources, uphold proper accountability, and protect the people who depend on the business.

“We continue to pray for Ms. Kim, the company, its employees, and everyone affected by this matter.”

Dennis at Jennylyn, kinasal ulit!

Nag-share si Jennylyn Mercado ng wedding photos nila ni Dennis Trillo at dahil hindi malinaw ang caption na “Before we share the whole story... here’s a glimpse,” kanya-kanyang comment ang netizens.

Marami ang nag-congra­tulate sa dalawa at inakalang kuha sa church wedding nila ang photos. May nag-comment pa ng “Finally!” may nagtanong ng “Totoo po ba yan, nag-church wedding na kayo?”

May nag-akala naman na para sa Amir ang wedding photos ng DenJen. Inisip nilang si Jennylyn ang pumalit kay Glaiza de Castro na makasama ni Dennis sa nasabing movie na entry ng GMA Pictures at GMA Public Affairs sa 2026 Metro Manila Film Festival.

Atom, sunud-sunod ang award

Patuloy sa paghakot ng award si Atom Araullo, heto at nanalo na naman siya ng gold award sa 17th Cannes Corporate Media & TV Awards. Sa Documentaries and Reports Environment, Ecology and Sustainability category nanalo ang docu.

Ni-repost namin ang post ng manager ni Atom na si Noel Ferrer na siyang nag-share ng magandang balita.

“The Atom Araullo Specials Wins Gold at the Cannes Corporate Media & TV Awards.

“The Atom Araullo Specials has been honored with a Gold Award at the prestigious Cannes Corporate Media & TV Awards for its episode “Gintong Puno.” WE ARE MIGHTY PROUD OF YOU Alfonsi Tomas Araullo!!”

Kapag nagkaroon ng chance na ma-interview si Atom, isa sa itatanong namin ay kung saan niya inilalagay ang napapanalunang awards.