Pagpaminaw sa pulong sa Dios uban ang Kasingkasing

Teksto: Lk. 8;4-15

A. Pasiunang Kalihukan: Animal Sounds

1. Pundokon ang mga nitambong sa kalihukan sa nagkadaiyang mga pundok sa hayop sama sa baboy, iring, baka, kanding, etc.

2. Pundokon ang partisipante segun sa ilang hayop nga gipili.

3. I-blind fold ang matag usa kanila ug katagon.

4. Ang misyon mao nga ilang pangitaon ang ilang mga kauban pinaagi sa pagpaminaw sa mga tingog niini. Ex. Baboy: Oink! Iring: mew! Baka: maah! Kanding: Meeee

B. Pamalandong

FIRST LEVEL

b.1. Mohimo og personal nga Pamalandong ang matag usa. Tubagon ang mga pangutana:

1. Kumusta ang kalihukan? Nalingaw ka ba o naglisud ba hinuon?

2. Unsay imong gibati sa dihang nagkapundok na gyud mo sa  kaulahian?

SECOND LEVEL

Pag-Inambitay sa matag grupo

THIRD LEVEL

Group Reporting ug Pagpalawom

Pagbasa sa Teksto: Lk. 8;4-15

1. Ang pulong sa Dios sama sa usa ka binhi.

2. Ang gitisokan niini mao kitang mga tawo. Nadungog nato kini diha sa atong mga dalunggan. Natisok kini sa atong tagsa tagsa ka mga  kasinkasing. Apan sa pagtisok niini dili kita makapaabot nga magmabungahon kini diha diha. Kini tungod ning mosunod nga mga   rason kun hinungdan:

a. Una, gumikan sa yawan-ong kusog ug impluwensiya nga pugsaonong misakmit sa mensahe gikan kanato.

b. Ikaduha, adunay uban nga malipayong midawat apan wala  molahutay pag-abot sa mga pagsulay.

c. Ikatulo, ang uban wala makabunga ug makalambo tungod kay   ang mga kabalaka kasagaran mga walay hinungdang kabalaka, mga bahandi ug kahilayan ang nigapos kanila. Wala sila kahinogi og bunga.

d. Ikaupat, Dunay uban nga naminaw, nidawat ug gipuy-an kini sa ilang kinabuhi, butang nga nakapahimo kanila nga magmabungahon sa kanunay.

ANG MAPAMINAWONG SIMBAHAN

1. Kay unsa man diay ang Simbahan?

a. Ang “simbahan” gikan sa pulong Ekklesia (Griyego) o Qahal           (Hebreo) nga nagpasabot og assembliya kun pundok sa katawhan.

b. Nagpasabot kini nga ang katawhan mao ang Simbahan, samtang ang mga balay alampoanan (Church Building) mao ang simbahanan sa mga Simbahan. Ang simbahan nga mao kita ang naghatag niini og  kahulogan ug ang simbahanan (church building) ang nisalamin kun unsang matanga kita sa pagka simbahan. Ang balay alampoanan ang mosalamin sa atong kinabuhi sa pagtuo, kultura ug kinabuhi.

2. Ingon nga “Simbahan” Angayan kitang molambigit sa usag-usa diha sa:

2.1. Paagi nga Makahuloganon

2.2. Maamomahon

2.3. Paghatag og Gahom ug kadasig labina kanila nga mga kabus ug nahikalimtan

2.4. Mamugnaon diha sa mga kalainan.

Teolohikanhong Implikasyon

Sukaranan:

Kitang tanan mga Binunyagan. Ang bunyag nga atong nadawat human sa atong pagkahimugso mao man ang nakapahimo kanatong tanan nga mga anak nga sinagop sa Dios. Diha sa pagkapari gidapit kita nga maminaw sa Dios diha sa pag-ampo. Diha sa pagka propeta gidapit kita sa pagpaambit ngadto sa uban sa mensahe nga atong nadungog gikan sa Dios diha sa Balaang kasulatan, dili lang sa pulong kondili usab sa buhat. Diha sa pagkahari atong alagaran ang uban agig pagsanong sa atong magtutudlo nga nianhi sa kalibutan aron moalagad ug dili aron alagaran. Pastoral nga Implikasyon

Diha sa pagdumala sa Parokya mahinungdanon ang pagpaminaw sa paagi nga yano ug tataw. Naglambigit kini sa MAG MAI MA PROGRAM. Meet and Greet, Meet and Instruct, Meet and Implement.