Barko ng BFAR sumadsad sa West Philippine Sea
Habang namamahagi ng fuel subsidy
MANILA, Philippines — Isang barko ng Bureau of Fisheries and Aquatic Resources (BFAR) ang sumadsad sa Hasa-Hasa Shoal sa West Philippine Sea (WPS) habang namamahagi ng fuel subsidy sa mga mangingisda sa lugar.
Ayon kay Philippine Coast Guard (PCG) Spokesperson Rear Admiral Jay Tarriela, kaagad ring na-refloat ang BRP Datu Magat Salamat sa tulong ng BRP Malabrigo na idineploy ng PCG.
“Yesterday morning, while approaching a group of Filipino fishing vessels to position herself for the distribution of fuel to some 15 to 20 fishing boats, the vessel ran aground in the shallow waters of the shoal,” ani Tarriela.
“The fishing boats immediately attempted to assist and provided initial towing assistance, but the effort was unsuccessful due to the morning low tide and their limited pulling power,” dagdag pa nito.
Nabatid na ang barko ng BFAR ay nasa Hasa-Hasa Shoal upang magdeliber ng fuel subsidies sa mga mangingisdang Pinoy, sa ilalim ng programa ng pamahalaan na Kadiwa para sa Bagong Bayaning Mangingisda Program sa Kalayaan Island Group.
Tinangka pa umanong tumulong ng mga mangingisda sa pag-tow ng barko ngunit nabigo sila dahil sa low tide at limitadong kapasidad nito.
Dakong alas-3:34 ng hapon na nang tuluyang maialis ang barko sa pagkakasadsad sa tulong ng BRP Malabrigo.
- Latest
