Cayetano siblings, nakabalik na ng Pinas
MANILA, Philippines — Nakabalik na ng Pilipinas ang magkapatid na sina Senador Alan Peter Cayetano at Senadora Pia Cayetano nitong Sabado matapos ang kanilang pagbisita sa Singapore.
Sa isang social media post, sinabi ni Senador Alan Peter na ligtas silang nakauwi sa bansa.
Ipinaliwanag ni Senadora Pia na matagal nang nakatakda ang kanyang pagbiyahe upang suportahan ang Philippine national team na lumahok sa Asia Pacific Padel Tour sa Singapore.
Hindi naman nito nilinaw kung may kaugnayan din sa naturang torneo ang pagpunta ng kanyang kapatid o kung may iba itong pakay sa naturang bansa.
Kinumpirma ng Bureau of Immigration na umalis ng bansa ang magkapatid na senador noong Miyerkules.
Ayon naman kay Senador Panfilo “Ping” Lacson, hindi isyu sa ngayon ang pag-alis ni Alan Peter Cayetano at dapat umano itong mabigyan ng pagkakataong makapagpahinga mula sa mga kontrobersyang kinakaharap nito.
- Latest
