Madre, gumaling sa malubhang sakit! (Part 2)
(Kasaysayan ito ni Sister Marie Abel Kamari, isang Lebanese na madre. Nagkaroon nang matinding sakit si Sister Marie sa loob ng 14 na taon na nagsimula noong 1936. Hiniling niya sa noon ay pari pa lamang na si Father Charbel, isang Lebanese Maronite hermit na maging tagapamagitan ito kay Panginoong Hesus para siya gumaling.)
Ayon kay Sister Marie, nagdasal siya kay Father Charbel. Sabi niya rito na nagsusumamo: “Allow me, if you wish to cure me, to let me see you in a dream.”
Nang gabing iyon, napanaginipan ni Sister Marie si Father Charbel. Nakaluhod ito sa isang maliit na kapilya.
Ayon kay Sister Marie, iniunat ni Father Charbel ang mga kamay at binindesiyunan siya. Habang nagaganap iyon, isang liwanag ang bumalot sa kanila. Ayon pa kay Sister ngayon lang siya nakakita ng ganoong klase ng liwanag. Hanggang maglaho sa panaginip niya si Father Charbel.
Noong Hulyo 2, 1950, ipinasya ni Sister Marie na magtungo sa St. Maron Monastery kung saan tumira at nakalibing si Father Charbel.
Dahil nanghihina siya at hindi makalakad, binuhat siya at dinala sa tomb ni Father Charbel.
Nagdasal siya sa puntod ni Father Charbel.
Hanggang may mapansin siya na may tumutulo sa naka-engraved na pangalan ni Father Charbel! (Itutuloy)
- Latest
