Tarlac isinailalim na sa state of calamity

MANILA, Philippines — Isinailalim na sa state of calamity ang buong lalawigan ng Tarlac sanhi ng matinding pinsalang tinamo kabilang ang pagkasira ng kanilang dalawang pangunahong tulay, sanhi ng malalakas na pag-ulan na dulot ng southwest monsoon rain o habagat.

Sa pahayag ni Tarlac Governor Christian Yap ang deklarasyon ay inaprubahan ng Sangguniang Panlalawigan sa ilalom ng Resolution No. 416-2016 matapos naman ang rekomendasyon ng Provincial Disaster Risk Reduction and Ma­nagement Council (PDRRMC).

Kabilang sa napinsala sa lalawigan ay ang Aquino Bridge at Bridge sa Tarlac City. Marami ring bayan sa lalawigan ang apektado ng ma­tinding pagbaha kung saan walang madaanan patungo sa ibang bayan sa pagkaputol ng dalawang tulay.

Ang Agana Bridge ay nag-uugnay sa mga bayan ng Sta Ignacia, Mayantoc, Camiling, San Clemente at San Jose.

Nag-deploy na ng mga kagamitan para gumawa ng pansalamantalang tulay na madaraanan para sa mga apektadong residente sa lugar.