Katrina ug Kris, nag-ipon?

CEBU, Philippines — Mas misamot ang chika nga nagbalik na sila  Katrina Halili ug Kris Lawrence human nikatap  ang taho  nga matud pa nag-ipon na ang duha sa pagpuyo sa usa ka balay kauban ilang anak nga si Katie .

Butang kini nga gikalipay sa lang fans gumikan kay matud pa naporma na og balik ang ilang pamilya .

Bisan wala’y  opisyal nga kumpirmasyon gikan sa duha bahin sa ilang relasyon, apan base sa ilang mga litrato nga gipatik sa social media ug sa ilang mga tinagdan  sa usa’g  usa, daghan ang nagtoo nga nagbalik na sila. x

Liza ,hurado sa Venice FilmFest

Usa si Liza Soberano sa mga napili  nga hurado sa Golden Globes Impact Prize for Documentary sa Venice Film Festival.Ang maong award gihatag sa Artemis Rising Foundation ug gitumong sa pagpasidungog sa documentary nga epektibong nagpakita sa mga isyu sa katilingban pinaagi sa maayong pagkasaysay sa istorya.

Gwyn mibisita kang PBBM

Mihimo og courtesy call kang Presidente Ferdinand “Bongbong “ Marcos Jr. ang Filipina singer nga si Gwyn Dorado sa niaging adlaw , human sa iyang dakong kalampusan sa South Korean music scene.Kahinumdoman  nga nahimutang sa  ikaduhang pwesto si Gwyn sa Korean singing competition nga “Sing Again 4,” diin siya lamang ang langyaw nga contestant nga nakaabot sa maong hugna  sa kompetisyon.Gidayeg sa presidente si Gwyn tungod sa iyang kalampusan sa batan-on pa niyang edad ug sa iyang pagrepresentar sa talento sa mga Pilipino sa international  stage .

Todo pangandam

Gipangandaman  og maayo sa Sparkle teen star nga si Charlie Fleming ang iyang umaabot nga horror film nga “Haunted Carnival.”Nagkanayon si  Charlie, lahi ang “Haunted Carnival” sa niagi niya nga  horror film nga “Huwag Kang Titingin.” Lain-laing atake sa pag-arte ang iyang idalit sa bag-o niya nga proyekto .

Pagbanhaw sa Jolina- Marvin tandem giatngan

Gipistahan sa fans ang behind-the-scenes photos nila Jolina Magdangal alang sa umaabot nila mga serye sa TV5  nga “Mommy Guard.”

Tungod sa maong mga hulagway , naghinam-himam  na sa maong serve ang ilang fans .

Mao kini ang pagbanhaw sa  iconic tandem nila Jolina ug Marvin human sa taas nga katuigan. Gikatakdang ipasalida sa TV5 karong Septiyembre ang “Mommy Guard”. —

Azter , mipaila sa ilang  debut album  nga “univerzity”

Gipaila na sa  bag-ong P-pop group nga AZTER ang ilang debut album nga “univerZity,” nga nagtuki sa nagkalain-laing kasinatian, hagit ug mga leksyon nga giatubang sa kabatan-onan.

Ang maong grupo kay gilangkoban  sa 12 ka miyembro nga sila Kean, Charlie, Tatin, Gee, Alas, Laurence, Wayne, Loyd, Kiel, Gem, Miguel ug Cray.

Adunay espesyal nga kahulugan ang ngalan nga AZTER, nga gikan sa pulong nga aster, usa ka klase sa bulak ug may kalabutan usab sa bitoon. Suma  sa grupo, nagsimbolo kini sa ilang pangandoy nga mamulak sama sa bulak ug mosidlak sama sa bitoon. Ang letra nga “Z” nagrepresentar usab sa ilang sub-unit nga Zodiac, samtang ang usa pa nilang sub-unit mao ang AXIS.

Adunay pito ka kanta ang ilang “univerZity” album ,  ang “Parang May Mali,” “Kupido,” “Kick Ball Challenge,” “K Dot,” “OTW,” “Unlove You,” ug “Boys Night Out.”

Ang mga unod sa ilang debut album nga “univerZity” kay naglanog -lanog na sa  nagkalain-laing digital streaming platforms. 

Dolly Parton, mipanaw  sa edad nga 80

Mitaliwan    na ang legendary American singer, songwriter ug actress nga si Dolly Parton sa edad nga 80 niadtong Martes, Agosto 25, 2026, human sa iyang mubo nga pakigbisog batok sa cancer .

Namatay si Dolly sa Vanderbilt-Ingram Cancer Center sa Nashville, Tennessee, ug wala gibutyag sa  kung unsang klase sa kanser ang namatyan niini .

Ang balita sa iyang pagkamatay kay unang gipahibalo sa iyang pag-umangkon nga si Bryan Seaver, nga dugay nang nagtrabaho isip head of security sa singer .

“As her head security for more than two decades, a role my father Larry held before me, I have imagined the heaviness of this moment but haven’t truly felt it until now,” matud pa ni Bryan .

Dili lamang sa musika nailhan si Parton, kondili apil usab sa iyang mga  charitable work. Lakip niini ang Imagination Library, nga naghatag og mga libro sa mga bata, ug ang iyang suporta sa medical research.  Pipila sa iyang sikat nga mga awit  kay  ang “Coat of Many Colors,” “Jolene,” “I Will Always Love You,” “The Bargain Store,” “9 to 5” ug uban pa.