Kanhi manager ni Bea, mitingog na!

CEBU, Philippines — Hugtanong gihimakak ni Shirley Kuan, kanhi manager ni Bea Alonzo, nga siya ang rason sa pagkanselar sa  kasal sa aktres sa Spain .

Suma pa ni Shirley nga igo ra siya gihangyo nga ipasiatab ngadto sa ubang guests niadtong higayona nga dili madayon ang kasal.

Matud pa nga dili lalim ang iyang kaagi, kay  dako na ang iyang nagasto sa plete sa eroplano apan kalit lang gikanselar ang kasal.

Giklaro usab niya nga wala siya’y kalibotan sa gidungog nga  prenuptial agreement nila Bea ug sa bana niini nga si  Vincent Co.

“Hindi ako kasali diyan. Ang sinabi ko lang, kung meron ka input, Atty., it should be within the bounds of law. Yun lang. Masama ba ’yun? Pakikialam ba ’yun? May narinig ako, sinasali ko sarili ko sa prenup. May commission daw ako. What—is that ever done? How insulting is that,” niya pa.

Gipahibalo ni Shirley   nga gitapos niya ang  propesyonal nila nga relasyon ni Bea isip talent ug manager niadtong Agosto 11 , human siya nainsulto sa wala  pag-imbitar kaniya sa usa ka kalihokan nga siya mismo ang nag-arrange alang kang Bea.

Suma pa niya nga daghan ang nanaot kaniya apan wala gyud makapanalipod si Bea kaniya.

 Wala unta siya’y plano nga motingog apan wala’y hunong ang pagpanaot nga iyang nadawat busa napugos siya sa paghatag og katin-awan sa isyu.

“The third trigger point was the last straw… There was an event that was my deal. I was talking to the client and preparing for the event, but I was told I was disinvited. Even if the client did not tell me, I know what happened. Hindi ako galit, but I am a hypocrite if I say I am not offended. I told Bea that was the last straw,” she explained.She said that she did not know. And I told her, now I am telling you, as of this very moment and this very day, I am no longer your manager,” niya pa.

EDJOP stars motikang sa Sugbo karong adlawa

Moabot sa Sugbo karong adlawa ,Agosto 26 ang mga tigpaluyo ug pipila ka mga bitoon sa pelikulang EDJOP alang sa usa ka espesyal nga kalihokan.

Makighimamat sila Elijah Canlas ,  Frankie “Kakie” Pangilinan ug Direk  Katski Flores sa mga tinun-an ug magtutudlo sa Southwestern University PHINMA karong hapon ug ang maong kalihokam gitawag og EDJOP Campus Conversations .

Gipaabot ang pagtuki  nila sa mga  bulawanong mensahe sa maong pelikula ug duna pu’y mahitabo nga interaksyon aron mapalawman pa ang pagpasabot sa tema niini  .

Nakatutok ang pelikula sa pagbag-o sa kinabuhi sa usa ka batan-ong lalaki gikan sa pagka-student leader ug youth activist hangtod nahimo siyang usa sa labing kusgan nga tingog sa pagsupak batok sa pipila ka kamandoan sa gobyerno.

Pinaagi sa pelikula, gisubay ang iyang pag-uswag isip batan-ong aktibista ug ang iyang pagbarog batok sa pagpang-abuso sa gahum. Nalakip usab sa maong pelikula ang  aktres nga si Jodi Sta. Maria.

Ang “EDJOP” kay gikatakdang  ipasalida  sa mga sinehan sugod  karong Septiyembre 16.