Negros Occidental Rep. Benitez nagpasalamat sa PVL
MANILA, Philippines — Huling naging host ang Victorias City, Negros Occidental ng isang major professional sporting event noong Oktubre ng 2011 sa laban ng Talk ‘N Text at Rain or Shine sa PBA Philippine Cup.
Naulit ito noong Agosto 22 nang dalhin ang aksyon ng 2026 Premier Volleyball League (PVL) On Tour sa Victorias City Coliseum.
Winalis ng Creamline ang Galeries Tower, 25-21, 25-16, 25-21, habang tinakasan ng Farm Fresh ang Capital1 Solar Energy, 20-25, 25-19, 22-25, 25-12, 15-10.
“We hope that the next time an event like this comes to Victorias, a Victoriasanon player will be part of it,” sabi ni Negros Occidental Rep. Javier Miguel Benitez.
Kasama sa mga nanood sa double-header si Sen. JV Ejercito at ilang lokal na opisyal mula sa Victorias City at Negros Occidental.
Nagpasalamat si Benitez sa PVL, Sports Vision, City Government of Victorias sa pamumuno ni Mayor JunB Bantug, GRID Sports Athletic sa pangunguna ni President Bea Tan, sa Creamline, Farm Fresh, Galeries Tower at Capital1 at sa mga fans.
Napormalisa ang nasabing hosting ng PVL games sa pamamagitan ng isang Memorandum of Agreement (MOA) sa pagitan ng Victorias City LGU at GRID Sports Athletic.
- Latest
