A’TIN SA SB19, nakadaog sa billboard fan army face-off

Mikulit og kasaysayan ang A’TIN, ang fanbase sa P-pop group nga SB19, human nidaog sa 2026 Billboard Fan Army Face-Off, nga maoy ikaupat nilang sunod-sunod nga kadaogan sa fan-voted competition.

Suma pa sa Billboard, gipildi sa A’TIN ang Harries, ang fanbase ni Harry Styles, sa finals sa niaging adlaw , nga naghatag kanila sa labing daghan og kadaogan sa maong kompetisyon sukad kini gisugdan niadtong 2014.

Tungod sa bag-ong kadaogan, nalabwan sa A’TIN ang Queens, ang fanbase sa K-pop group nga T-ara, nga nakadaog sa kompetisyon sulod sa tulo ka sunod-sunod ka tuig gikan 2015 hangtod 2017.

Nakadaog usab ang A’TIN niadtong 2024 batok sa Navy, ang fanbase ni Rihanna, ug niadtong 2025 batok sa Selenators, ang fanbase ni Selena Gomez.